Útboð vegna allra trygginga Hrunamannahrepps hefur nú verið auglýst. Á fundi sveitarstjórnar þann 1. september s.l. var samþykkt tilboð frá fyrirtækinu Consello í útboðsgerðina enda hefur fyrirtækið víðtæka reynslu af tryggingamálum og hefur unnið fyrir um 40 sveitarfélög með sambærilegum hætti og með góðum árangri. Starfsmenn Consello hafa farið yfir allar tryggingar sveitarfélagsins með það fyrir augum að finna réttar tryggingar og eðlilega tryggingavernd en það er aldrei nógsamlega ítrekað hversu mikilvægt er að tryggingar séu með þeim hætti að þær veiti nauðsynlega vernd gegn öllu því óvænta sem upp getur komið.
