Sérfræðiþekking í tryggingum fyrir flugvélar, flugrekstur og flugvallaþjónustu
Umsvifamikil miðlun flugtrygginga gegnum ConselloVátryggingamiðlarar Consello hafa á undanförnum árum haft milligöngu um tryggingar fyrir stóran hluta einkaflugvéla hér á landi, flugfélög og fyrirtæki í flugvallaþjónustu.
Óhætt er að fullyrða að hvergi sé meiri þekking hér á landi í flugtengdum tryggingum en hjá ráðgjöfum Consello. Þar er fremstur meðal jafningja Guðmundur Hafsteinsson, sem hefur unnið að flugtryggingum hér heima og erlendis í meira en tvo áratugi, fyrir íslensk sem erlend flugfélög og flugvélaeigendur. Starfsstöð Guðmundar er í London, þar sem hann er í sambandi við Lloyd's tryggingamarkaðinn. Tryggingar sem tengjast flugi eru mjög sérhæfðar enda oft um dýrar tryggingar að ræða sem taka sveiflum á mörkuðum m.a. eftir tjónatíðni. Þegar vátryggingamiðlarar taka að sér að finna réttu tryggingarnar og rétta iðgjaldið, þá eru þeir eingöngu að vinna fyrir viðskiptavininn. Vátryggingamiðlarar gæta hagsmuna viðskiptavina ef til tjóns kemur og eru á engan hátt tengdir tryggingafélögum. Consello hefur m.a. annast tryggingaráðgjöf, tryggingamiðlun og útboð fyrir Landhelgisgæslu Íslands og Flugfélagið Erni. Auk þess hefur Consello unnið fyrir Isavia ohf og eldsneytisafgreiðslu oíufélaganna á Keflavíkurflugvelli, EAK hf. Þá hefur Consello haft milligöngu um tryggingar fjölda einkaflugvéla. Consello kannar tryggingaþörf og annast útboð trygginga
Fæstir gefa sér gaum til að skoða stöðu tryggingamála, huga að tryggingavernd eða endurmeta hana. Tryggingar eru flóknar og engin furða þó talað sé um iðgjaldafrumskóg. Tryggingavernd fyrirtækja og stofnana á það til að úreldast og iðgjöld geta verið í ósamræmi við raunverulegar þarfir. Þar kemur Consello til skjalanna.
Löggiltir vátryggingamiðlarar Consello kanna stöðu tryggingamála, gera úttekt á vátryggingaþörf og áhættu, bjóða út tryggingar og meta hagkvæmni tilboða. |
Hluti viðskiptavina sem hafa notið ráðgjafar vátryggingamiðlara Consello með góðum árangri
