Stafrænar tryggingar (cyber insurance) er heiti á tryggingum sem bæta tjón viðskiptavina vegna tölvuárásar eða öryggisbrests í tölvukerfum fyrirtækja og stofnana. Að baki árásum geta legið margvíslegar ástæður, von um fjárhagslegan ávinning, pólitískur eða andfélagslegur tilgangur eða skemmdarfýsn.
Hér á landi hefur mikið verið fjallað um stafrænar ógnir undanfarin misseri. Fréttir hafa verið um tug- og hundruð milljón króna tap fyrirtækja og stofnana vegna netglæpamanna sem svífast einskis og enginn veit hvar í heiminum þeir eru staðsettir. Minna hefur farið fyrir umræðu um tryggingar gegn þessari óværu, einfaldlega vegna þess hversu ný af nálinni slíkar tryggingar eru.
Consello hefur unnið að undirbúningi stafrænna trygginga hér á landi í samvinnu við bresku vátryggingarmiðlunina Marsh og hefur þegar átt viðræður við stórfyrirtæki og stofnanir sem telja að þrátt fyrir öflugar varnir, þá séu stafrænar tryggingar nauðsynlegar ef eitthvað bregður útaf.

HS Orka endurnýjaði nýlega ALL RISKS tryggingar sínar, en fyrirtækið er með þessar tryggingar í gegnum tryggingamiðlarann Marsh í London, auk þess að Consello kemur að þessum tryggingum sem ráðgjafi og hlutdeildarmiðlari.
​Í ALL RISKS tryggingunni fellst að allar eignir HS Orku eru tryggðar gegn öllum hugsanlegum tjónum sem geta komið upp í sambandi við orkuver fyrirtækisins. Auk ALL RISKS tryggingarinnar er HS Orka líka með ábyrgðartryggingu sem er hærri en venjulegar íslenskar abyrgðartryggingar.
Við undirbúning töku ALL RISKS tryggingarinnar voru orkuverin tekin út af eftirlitsmönnum á vegum Marsh auk þess sem skoðunarmenn frá endurtryggjendum koma reglulega til að skoða verin og setja fram gagnlegar ábendingar fyrir fyrirtækið.

Eftifarandi frétt var birt á vefsíðu Hveragerðisbæjar í júlí 2018:​

"Umtalsverður sparnaður, eða um 2,5m.kr. náðist við útboð á vátryggingum Hveragerðisbæjar, en þar var VÍS lægstbjóðandi. Á fundi bæjarráðs Hveragerðis var samþykkkt að ganga til samninga við VÍS um allar vátryggingar bæjarfélagsins. Var þessi ákvörðun tekin í kjölfar útboðs sem fram fór á vegum vátryggingarmiðlunarinnar Consello. Consello réðst í úttekt á öllum tryggingum bæjarfélagsins og nýtti bæjarráð tækifærið á fundi sínum og þakkaði Consello ehf gott samstarf við yfirferð vátrygginga bæjarins og gerð útboðsgagna.

Í bókun bæjarráðs kom fram að með þessari vinnu hafi tekist að bæta vátryggingavernd bæjarfélagsins umtalsvert en jafnframt að ná fram góðum sparnaði en lægsta tilboð VÍS hljóðaði upp á 10.525.805,-. Núverandi iðgjöld námu 13.053.504,- og því hefur útboðið skilað hagræðingu sem nemur ríflega 2,5 mkr.

Það var álit ráðgjafa að niðurstaða útboðsins væri góð fyrir Hveragerðisbæ og því hefur bæjarstjóri nú þegar skrifað undir nýjan samning við VÍS um tryggingavernd sveitarfélagsins.

„Við framkvæmum áhættumat hjá útgerðarfélaginu og komum með tillögur að skilmálum sem henta hverju og einu. Að því loknu sjáum við um útboð á Lloyds markaðnum í London til að finna vátryggjanda og ná fram sem hagstæðustu kjörum,“ segir Guðmundur Hafsteinsson, vátryggingamiðlari og einn af eigendum Consello vátryggingamiðlunar.
 
„Við leggjum áherslu á að bjóða allar helstu tryggingar sem sjávarútvegurinn þarf, með sambærilegum skilmálum eða betri en nú þekkist.  Við erum „one-stop“ miðlun og gætum hagsmuna viðskiptavinarins í tjónauppgjörum með beinum samskiptum við vátryggjandann,“ segir Guðmundur ennfremur.
 
„No-fault“ tryggingar
„Skilvirknin sem fæst með aðstoð Consello felst ekki síst í því að allar tryggingar sem við útvegum á Lloyds markaðnum eru svokallaðar „no-fault“ tryggingar. Það þýðir að tjón eru bætt að fullu, sama hverjum eða hverju er um að kenna. Fyrir vikið tekur tjónauppgjör mjög stuttan tíma. Það er ekki verið að leita að sökudólgi, heldur bæta tjón sem tryggt hefur verið fyrir. Fáheyrt er að reynt sé að skipta tjónskostnaðinum á milli vátryggjandans og tryggingatakans,“ segir Guðmundur.
 
„Það er engum í hag að tefja bótagreiðslur þegar t.d. atvinnutæki verða fyrir tjóni. Sem fyrst þarf að ráðast í viðgerðir eða endurnýjun búnaðarins til að hann geti haldið áfram að skila eigendum sínum tekjum.“
 
Samstarf við öfluga vátryggingamiðlara
Consello er í samstarfi við vátryggingarmiðlarann Marsh í London sem er ein stærsta tryggingamiðlun heims, með starfsemi í 160 löndum og 29 þúsund starfsmenn. Marsh leggur mikla áherslu á að starfa náið með staðbundnum vátryggingamiðlunum á borð við Consello.
 
Þeir David Ripton, vátryggingamiðlari og framkvæmdastjóri hjá Marsh og Graham Knott samstarfsmaður hans voru hér á landi til að kynna þjónustu fyrirtækisins. Þeir segjast líta svo á að Marsh og Consello geti boðið íslenskum útgerðarfyrirtækjum afar áhugaverðan valkost þegar kemur að töku trygginga. „Við leitum tilboða í tryggingar á alþjóðamarkaði þar sem samkeppni er mikil. Það getur stuðlað að hagkvæmari iðgjöldum en íslensk fyrirtæki hafa áður kynnst, enda eru engir milliliðir á borð við endurtryggjendur. Ef til tjóns kemur þá sér Consello um samskiptin hér á landi og Marsh sér um samskiptin við viðkomandi vátryggjanda (underwriter) á Lloyds markaðnum. Við störfum eingöngu í þágu viðskiptavinarins, þannig að ekkert fer á milli mála hverra hagsmuna við gætum.“
 
Milliliðirnir detta út
Þeir David og Graham benda á að íslensku tryggingafélögin endurtryggi hluta af tryggingum útgerðarinnar. „Endurtryggjendur eru milliliðir sem taka oft stóran hluta áhættunnar og það hækkar iðgjöldin. Tryggingafélögin eru jafnframt í þeirri stöðu í þessum tilfellum að gæta bæði eigin hagsmuna og hagsmuna viðskiptavinarins. Þessi staða getur skýrt hvers vegna tjónsuppgjör á Íslandi virðast oft taka langan tíma.“
 
Sérfræðiþekking í áhafnatryggingum
Meðal þeirra sem Consello starfar með á Lloyds markaðnum er Aegis. Nicholas Waymark, sérfræðingur Aegis í áhafnatryggingum, segir mikilvægt fyrir útgerðarfyrirtæki að vera með rétta tryggingavernd fyrir áhafnir sínar og starfsmenn. Löng reynsla og innsæi skiptir máli við mat á tryggingaþörfinni. „Ég hef t.d. haldið utan um áhafnatryggingar fyrir sjómenn á Hjaltlandseyjum í 25 ár og fer þangað á hverju ári til að kynna mér aðstæður. Þær heimsóknir hjálpa mér að skilja viðskiptavinina og áhættuna og vinna út frá því,“ segir Nicholas.
 
Dæmi um tryggingar fyrir útgerðina
Meðal þess sem Consello getur haft milligöngu um að tryggja má nefna:
 
    Húftryggingar skipa og smábáta.
    Áhafnatryggingar.
    Hagsmunatryggingar.
    Afla- og veiðarfæratryggingar.
    Birgðatryggingar á frystum afla.
    Tryggingar fyrir frystihús og fiskvinnslur. 
 
Rétti tíminn til að spyrna við iðgjaldahækkunum
Guðmundur Hafsteinsson segir að almennt séu tryggingariðgjöld að hækka um allan heim eftir nokkur ár lækkunar. Búist er við því að svo verði áfram í einhver ár, ekki síst í sjávarútvegi en þar hafa iðgjöld verið óvenju hagstæð síðustu ár. „Þetta er því rétti tíminn til að spyrna við þeim hækkunum með því að semja beint við Lloyds markaðinn. Við erum líka að tala um samninga lengur en þetta klassíska eina ár sem hér tíðkast.“